BACOLOD CITY – Gin-aku sang amay nga gin dakop sang police station 3 ang alegasyon sang pag himulos sini sa isa ka 11-anyos nga babaye sa Purok Carvic, Brgy. Mandalagan kahapon sang kaagahon.
Ginsaysay sang 44-anyos nga suspetsado, may asawa kag lima ka mga kabataan, nga nagabyahe ini sang traysikol mga las-12:00 kaagahon sang Lunes sang nakit-an sini ang 11-anyos nga yara sa bangga sa nasambit nga purok, iya ini gin palapitan kag gin usisa sa diin iya nahisayran nga sa Libertad ini naga-pauli.
Suno pa suspetsado, gin sugo niya ini nga magpuli kag gin hatagan sang inugplete apang naga-lungo lang ang bata kag nagsakay sa iya nga traysikol kag indi na magpanaog.
Iya ini gindala sa ila nga balay apang gin sugo ini sang iya umagad nga idul-ong pauli ang bata, kag diri iya ini gindala sa isa ka convenience store sa dalan Lacson sa atubangan sang estasyon sang Bombo Radyo kag gin baklan sang cup noodles apang wala man ini nagkaon.
Paggikan sa convenience store gin balik niya ini sa Purok Carvic kag diri gin himuslan ang bata sa madalom nga bahin sang bangga, bangud suno sa suspetsado, nag palangdulom ang panulok sini bangud nga indi manaog ang bata.
Suno naman sa suspetsado indi naman makabig nga rape ang iya ginhimo bangud wala man naghibi kag wala nag singgit ang bata sang iya ini gin “mitir”.
Pagkatapos ang ginhimo sa bata, mga las 2:30 sang kaagahon gin balik niya ini sa convenience store kag gin hatagan sang 20 pesos kun luyag sini magpauli ukon magbakal sang pagkaon kag gin bayaan.
Sang liwat sini nga gin balikan wala na ang bata sa lugar.
Nakahanda ang suspetsado nga atubangon ang kaso bangud aminado ini sa krimen nga nahimo,apang naga panugyan ini nga pamangkuton ang ginikanan sang bata kun anu ang ginahimo sini sa nasambit nga lugar sa nasambit nga mga inoras.
