Para sa political analyst ang ginpatigayon nga Trillion Peso March kahapon sa ciudad sang Bacolod kag probinsya sang Negros Occidental, nakapalab-ot sang ila sentiyemento sa gobyerno batok sa korapsyon.
Sa interview sang Bombo Radyo kay Atty Jomax Ortiz, indi gid man tuman ka damo sang nagrally bangod sa ulan apang nangin madinalag-on man ini.
Suno diri, ang mensahe sang rally kahapon indi lamang para sa national government apang kasubong man sa panggobyerno sa Bacolod City kag Negros Occidental.
Sa karun nakadepende na sa national governement kag kay President Ferdinand Marcos Jr kun mapatuman ang ila pasalig nga mapanabat ang may sala kag may yara sang mapasakaan sang kaso kag mapreso.
Kun na amat-amat na nalimpyiohan ang Senado kag House of Representatives, suno sa abogado hatagan anay sang tsansa ang gobyerno nga maggiyo sa pagpamatok sa korapsyon bisan may kadugayan man basta ang importante may mapasakaan lang sang kaso.
Pahayag ni Ortiz, matapos ang rally bulubantayan naman kun ano ang mangin tikang sang gobyerno angot sa korapsyon.
