Lauman ang lapnagon nga power interruption sa Sababo sa patigayunon nga scheduled maintenance sang Negros Electric and Power Corporation.
Sa interview sang Bombo Radyo Bacolod kay Engr. Leomel Tambanillo, Assistant Vice President for Planning and Business Operation sang Negros Power, lauman nga may yara sang power interruption sa ciudad sang Silay, Talisay kag Bacolod para sa maintenance sang Bacolod-Silay 69kv line.
Suno diri, may power interruption sa ciudad sang Silay kag Talisay alas-3:00 tubtob alas-5:00 sang kaagahon.
Samtang, maka-ekspeyensya naman sang pagkadula sang kuryente sa sakop sang Mountain view kag Burgos substation sa ciudad sang Bacolod, alas-5:00 sang kaagahon tubtob alas-8:00 sang aga.
Suno kay Tambanillo, ini kabahin sang 5 years rehabilitation plan sang Negros Power kag subong nga tuig, may yara sang tatlo ka bag-o nga 69kv lines nga itukod.
Ini amo ang linya sa Provincial Capitol – CENECO, Lopues East – Mega World kag Mega World – Gonzaga substation.
Pahayag sini, ini tanan santo sa plano nga modernization kag pagdugang sang capacity sa ciudad sang Baclod agud maprebentar ang overloading nga nagatuga sang massive brown out.
