Nagdasig pa ang hulag sang Typhoon EMONG kag sa karun malapit na maglandfall sa Ilocos Sur ukon sa naaminhan nga bahin sang La Union.// Ang Bagyo EMONG ang ulihi nga nasiplatan sa kadagatan sang Bangar, La Union.
Dala sini ang kabaskugon sang hangin nga nagadangat sa 120 km/h kag pagmadlos nga tubtob 165 km/h.
Ini ang nagahulag sa Northeastward nga dereksyon sa kadasigon nga 20 km/h.
Matapos ang paglandfall subong nga aga, ginalantaw nga magatabok sa mga nabukid nga bahin sang Northern Luzon ang Bagyo kag ini ang magalapos sa Babuyan Channel antes mag-udto.
Ini ang sunod nga magahulag sa northeastward nga dereksyon kag magalabay malapit sa Babuyan Islands sa udto ukon sa hapon.
Mahimo man ini nga maglabay malapit sa Batanes sa hapon ukon sa gab-i.
Mahimo nga mapabilin ni EMONG ang iya kabaskugon sa second landfall, apang mahimo man nga may gamay nga paghuyang bangod sa nagataas nga interaction sa kadutaan sang Northwestern Luzon.
Samtang ang paglabay sang Bagyo EMONG sa mga nabukid nga lugar ang makatuga agud ini ang maghuyang.
Bangod sa Typhoon EMONG, pila ka mga lugar ang ginpaidalom sa nanarisari nga Tropical Cyclone Wind Signal.
Signal No 4:
-Southwestern portion sang Ilocos Sur, kag
-Northern kag Central portions sang La Union
Signal No 3:
-Nabagatnan nga bahin sang Ilocos Norte
-Nabilin nga bahin sang Ilocos Sur
-Nabilin nga bahin sang La Union
-Nakatungdan nga bahin sang Apayao
-Abra
-Nakatungdan nga bahin sang Kalinga
-Nakatungdan nga bahin sang Mountain Province
-Nakatungdan nga bahin sang Benguet, kag
-Naaminhan nga bahin sang Pangasinan
Signal No 2:
-Nabilin nga bahin sang Ilocos Norte
-Nabilin nga bahin sang Pangasinan
-Naaminhan nga bahin sang Zambales
-Nabilin nga bahin sang Apayao
-Nabilin nga bahin sang Kalinga
-Nabilin nga bahin sang Mountain Province
-Nabilin nga bahin sang Benguet
-Ifugao
-Batanes
-Cagayan lakip na ang Babuyan Islands
-Northern kag Western portions sang Isabela
-Northwestern portion sang Quirino
-Western kag central portions sang Nueva Vizcaya
-Northwestern portion sang Nueva Ecija, kag
-Naaminhan nga bahin sang Tarlac
Signal No 1:
-Nabilin nga bahin sang Isabela
-Nabilin nga bahin sang Quirino
-Nabilin nga bahin sang Nueva Vizcaya
-Northern kag Central portions sang Aurora
-Nabilin nga bahin sang Nueva Ecija
-Nabilin nga bahin sang Tarlac
-Western kag Central portions sang Pampanga
-Nabilin nga bahin sang Zambales, kag
-Naaminhan nga bahin sang Bataan
Sa pihak nga bahin, Alas-5:00 kahapon sang hapon nakagwa na sa Philippine Area of Responsibility ang Tropical Storm DANTE nga ginhatagan na sang International Name nga FRANCISCO, apang padayun man sa gihapon nga ginamonitor.
Ini ang ulihi nga nasiplatan sa 740 km North Northeast sang Itbayat, Batanes.
Dala sini ang kabaskugon sang hangin nga nagadangat sa 65 km/h kag pagmadlos nga tubtob 80 km/h samtang nagahulag sa West Northwestward nga dereksyon sa kadasigon nga 35 km/h.
Samtang ang anay Low Pressure Area nga ginamonitor sa gwa sang PAR ang nagbaskog naman kag karun isa na ka bagyo nga may International Name nga Tropical Storm KROSA.
Ini ang ulihi nga nasiplatan sa 2,030 km sa nasidlangan sang Southeastern Luzon.
Dala sini ang kabaskugon sang hangin nga nagadangat sa 65 km/h kag pagmadlos nga tubtob 80 km/h samtang nagahulag sa Northwestward nga dereksyon sa kadasigon nga 10 km/h.
Subong nga adlaw, lauman ang mabagyuhon nga panahon sa Ilocos Region, Cordillera Administrative Region, Batanes, Cagayan, kag Isabela bangod sa Typhoon EMONG.
Mabatyagan man ang madamol nga ulan upod ang mabaskog nga hangin sa nabilin nga bahin sang Cagayan Valley, Zambales, Tarlac, Aurora, kag Nueva Ecija tuga gihapon sang Bagyo.
Monsoon rains naman ang mabatyagan sa Metro Manila, CALABARZON, nabilin nga bahin sang Central Luzon, kag Occidental Mindoro nga epekto sang Southwest Monsoon ukon Hangin Habagat.
Pa-untat untat naman ang mabatyagan nga pag-ulan sa Western Visayas, nabilin nga bahin sa MIMAROPA, Camarines Norte, Camarines Sur, kag Albay bangod gihapon sa Habagat.
Magal-umon man ang kalangitan nga makatuga sang lapta-lapta nga pag-ulan ang Habagat sa nabilin nga bahin sang Visayas kag nabilin nga bahin sang Bicol Region.
Samtang apisar apektado man sang Habagat, makanay ang panahon sa Mindanao, apang yara gihapon ang posibilidad sang mga gulpyada kag makadali nga mga pag-ulan.
