Ginpahayag sang Philippine Atmospheric, Geophysical and Astronomical Services Administration nga indi pa sini makumparar ang habagat nga nagakabatyagan subong nga semana sa Tropical Storm Ondoy sang 2009 tubtob nga matapos ang weather event.
Suno kay PAGASA weather specialist Veronica Torres, ang Tropical Storm Ondoy, nga nag-igo sa Pilipinas sang 2009, ang nagdala sang kapin 300 mm nga ulan sa sulod sang anum ka oras.
Sa latest nga data, ang Southwest Monsoon, nga gin-enhance sang Typhoon Carina, ang nagdala sang 200 mm nga ulan humalin sang Martes sa sulod sang 24-hour period.
Suno sa iya, agud makumparar si Ondoy kay Carina, kinahanglan nga makumpleto anay ang data tubtob nga makapalayo na si Carina kag wala na ang habagat nga gina-enhance sini.
Sang Setyembre 2009, nagbubo sang masobra 450 mm nga pag-ulan sa sulod sang 24 oras si Tropical Storm Ondoy santo sa pagtakos sa Science Garden, Quezon City.
Ang bagyo ang nagdala sang isa sa pinakamalala nga pagbaha sa Metro Manila kag malapit nga mga areas.
