Nakaabot na sa Australia ang una nga batch sang mga suldado nga magapasakop sa Pitch Black Military Exercise 2024.
Ang mga ini ang kabahin sang Philippine Air Force nga ginpadala para sa ginakilala nga pinakadako nga Australlian military exercises.
Suno kay Philippine Air Force Spokesperson Col. Ma. Consuelo Castillo, magasunod sa ila ang iban pa nga miyembro sang PAF ano man nga adlaw subong nga semana.
Ang mga suldado nga Pinoy ang una nga gindul-ong sang Royal Australian Air Force sa ila nga base, sakay sa KC-30 aircraft.
Ang mga gamit sang mga ini ang ginkarga naman sa C-130 aircraft sang Royal Australian Air Force kaupod ang C-295 aircraft sang PAF.
Magaumpisa ang military execises sa July 12 kag magatapos sa Agosto 2 subong nga tuig.
Kabahin sa patigayunon nga exercise kag simulation amo ang wide range tactical flying kag large scale operational collective training activities kun sa diin ipadala sang Pilipinas ang mga FA-50 fighter jet sini.
Ini ang labing-una nga kahigayunan nga nagpasakop ang nasambit nga fighter jets sa international excercises.
