Narecord sang Baguio ang una nga kaso sang mpox suno sa Health Services Office sang ciudad.
Ang balatian ang nadetect sa 28 anyos nga lalaki, kag ang infection ang gintuga sang less severe Clade II mpox virus type.
Santo sa sa social media post sang Baguio City Health Services Office, nakumpleto na sang pasyente ang isolation kag nadeklarar nga nag-ayo na sang Enero 17, 2025.
Ang Mpox ang isa ka zoonotic disease nga nagalaton sa tawo gikan sa mga sapat kun sa diin ini ang malaton paagi sa close physical contact apang indi pareho sa nakaligad nga global pandemics kaangay sang COVID-19, wala sang ebidensya nga nagalapta ini paagi sa hangin.
Masami ini ang nagatuga sang mga sintomas kaangay sang trangkaso kag mga pilas nga puno sang nana kag masami nga mild apang mahimo makapatay.
Suno sa Department of Health, posible ang human-to-human mpox transmission paagi sa direct contact sa panit ukon mucosal lesions kaangau sang pag-estorya, paghaklo, paghalok, pagtandog, hakos ukon pakighilawas kasubong man paagi sa respiratory secretions.
Mahimo man ini maglaton paagi sa paggamit sang contaminated contaminated bedding, clothing ukon linens.
Ang mga sintomas ang ginalakipan sang skin rash ukon mucosal lesions nga ginaupdan sang paghilanat, pagbanog sang lymph nodes kag pagbanog sang tutunlan, muscle aches kag pagsakit sang likod, pagsakit sang ulo kag nagapalangluya.
Sang Agosto, gindeklarar sang World Health Organization nga global public health emergency matapos ang outbreak sang mpox sa Democratic Republic of Congo nga naglapta sa malapit nga pungsod kag iban pa.
Gin-engganyo ni Baguio City Mayor Benjamin Magalong ang publiko nga mag-obserbar sang health protocols kaangay sang paggamit sang face masks kag pag-obserbar sang physical distancing kag proper ventilation.
May yara sang 52 nga narecord nga kaso sang nasambit nga balatian sa Pilipinas as of December.
Nagapahanumdom man ang Department of Health sa publiko nga magpractice sang proper hygiene agud nga mangin safe gikan sa virus.
