Ginkompirmar sang pinuno sang infectious diseases section sang Department of Health (DOH) Region 6 nga recovering na ang una nga pasyente nga nagpositibo sa coronavirus diseases 2019 (COVID-19) sa Western Visayas.
Sa interview sang Bombo Radyo kay Dr. Mary Jane Juanico, ginpahayag sini nga wala nakitaan sang sintomas sang COVID-19 ang mga tawo nga napalapitan sang nagpositibo magluwas na lamang sa asawa sang ikaduha nga nagpositibo sa virus kun sa diin ini ang naadmit sa isa ka ospital sa Western Visayas.
Ginpahayag man ni Juanico nga wala sang nagdugang nga kaso sang nagpositibo sa COVID-19 sa Western Visayas.Suno kay Juanico, recovering na ang una nga nagpositibo sa ciudad sang Bacolod kag natalana naman ini nga igadischarge.
Ginpahayag man ni Juanico nga ang tanan nga nagpositibo ang ibutang sa isolated area tubtob sa 14 ka adlaw para sa repeat test agud madeklarar ini nga negatibo na.
Sa pihak nga bahin, nagpanugyan man si Juanico sa mga persons under monitoring sang DOH nga may yara sang travel histoty sa mga lugar nga may yara sang infected nga makig-angot sa mga health officials kun ang mga ini ang nagabatyag sang sintomas.
Suno kay Juanico, ang mga ini ang dapat man mangin honest sa mga nabatyagan sini agud makuhaan sang specimen agud ipadala sa Reasearch Institute for Tropical Medicine (RITM) agud matumod kun ang pasyente ang positibo sa virus.
