Nakit-an na ang 17 anyos nga dalagita nga namissing sa Barangay Ma-ao, Bago City.
Si Rica Jane Decendario, 17 anyos, Grade 11 student sang Our Lady Of The Pillar Academy sa Barangay Ma-ao, Bago City kag residente sang Crossing Mining, Purok Timawa sa nasambitan nga Barangay ang nadula humalin pa sang Domingo.
Sa una nga interview sang Bombo Radyo Bacolod kay Marivic Rosme, tiya ni Rica Jane, sang Domingo sang aga ang dalagita ang naglisensya sa iya nga lola nga ini ang magapadulong sa iya lola sa Hacienda Remy, Barangay Atipuluan, Bago City kag magapangita sang trabaho bangod sa kapigaduhon.
Apang ini ang wala na makabalik sa iya lola kag wala nakapauli sa sulod sang apat na ka adlaw.
Si Rica Jane ang nahibaluan nga subang sa anom ka mag-ulutod.
Suno kay Rosme, gin-estorya naman nila ang mga abyan sang iya hinablos apang wala man ang mga ini nakahibalo samtang wala man sang nahibaluan nga may nobyo ang dalagita.
Pahayag sang tiya, wala sang dala nga bayo sang maghalin si Rica Jane kag wala man sang cellphone bangod ini ang naguba.
Kaina sang udto, ginkumpirmar naman sang isa pa ka tiya ni Rica Jane nga ini ang nakit-an na.
Siya ang nagpadulong sa ila man nga himata sa ciudad sang Silay.
