![](https://img.bomboradyo.com/bacolod/2024/07/JOE-BIDEN-1-scaled.jpg)
Ginpahayag ni US President Joe Biden nga posible buy-an sini ang iya re-election bid kun makit-an sang mga doktor nga may yara ini sang isa ka medical condition matapos isa ka top Democrat ang naghangkat sa 81-anyos nga Presidente nga magpaiway.
Ini ang labing una nga nagpabutyag sang kaangay nga komento si Biden matapos nga si Representative Adam Schiff, isa ka key ally nagikan sa California, ang naghangkat kay Biden nga ipasa na ang torch.
Suno kay Biden, kun may yara ini sang medical condition nga magtuhaw kag kun ang mga doktor ang mga pahayag sini, posible ini nga magpaiway.
Apang gindepensahan sini ang iya desisyon nga magpabilin para sa rematch nila ni Donald Trump sang Republican sa Nobyembre kag gin-eksplekar kun ngaa indi sini luyag pag-ihatag sa mas bata nga henerasyon ang pwesto pagkatapos sang isa ka termino.
Suno sa iya, wala ini naglaom nga mangin divided ang mga butang.
Si Schiff ang labing una nga Democrat nga nagpanawagan sa iya nga magpaiway humalin sang assassination attempt batok kay Trump sang Sabado.