Pagkatapos sang lima ka oras nga negosasyon sa tunga sang mga negotiator sang Amerika kag Russia, wala nangin madinalag-on ang duha ka bahin nga makahimo sang breakthrough sa Ukraine peace plan.
Suno kay Kremlin spokesman Dmitry Peskov, nangin mabinungahon ang nasambit nga meeting apang pila ka bahin sang plano ang wala pa ginabaton samng Russia.
Ginpahayag naman sang senior aide ni Russian President Vladimir Putin nga si Yuri Ushakov nga nalakip sa Moscow meeting nga wala pa sila sang may nadihon nga kasugtanan gani madamo pa ang ila pagahimuan sang tikang.
Isa sa mga indi magkasugot ang Moscow kag Kyiv amu ang pagpamatok sa Ukraine nga isurrender ang ila teritoryo nga padayon sini nga kontrolado kag ang security guarantees nga igahatag sang Europa.
