Nakuha sang USA ang kadalag-an sa Group D game batok sa Paraguay sa 2026 FIFA World Cup sa score nga 4-1.
Ang hampang ang ginpatigayon sa Los Angeles Stadium sa Inglewood, California.
Una nga naka-score sang tatlo ka puntos ang USA sa 1st half.
Ini na-umpisahan sa Own Goal ni Damian Bobadilla sang Paraguay sa ika-pito nga minutos.
Nga ginsundan naman sang duha ka asod-asod nga puntos ni Falarin Balogun sang USA sa ika-31 nga minutos kag extension nga 5 minutes sa first half.
Nakapasulod naman sang puntos ang Paraguay paagi kay Mauricio sa ika-73 minutos sa 2nd half.
Apang 8 minutes sa extension antes magtakop ang 90-minutes game, nakapasulod naman sang ika-apat nga goal ang USA paagi kay Giovanni Reyna.
Kaina sang aga, nagpatas man ang Canada kag Bosnia and Herzegovina para sa Group B nga lunsay nakapasulod sang tig-isa ka goal.
Una nga nakapuntos si Jovo Lukic sang Bosnia sa ika-21 minutos sang hampang.
Samtang sa 2nd half, nakabawi naman ang Canada sa pagpuntos ni Cyle Larin sa ika-78 minutos sang hampang.
