Nakuha sang Switzerland ang kritikal nga 2-1 nga kadalag-an batok sa Canada matapos mapabilin ang ila advantage tubtob matapos ang hampang.
Ginbuksan ni Ruben Vargas ang scoring sa second half halin sa asist ni Johan Manzambi, antes gilayon nga gindoble ni Manzambi ang abanse sang Switzerland.
Nakabawi naman ang Canada sa ika-76 minutos paagi kay Promise David, apang ginkulang na sa oras.
Sa pihak nga bahin, ginlutos naman sang Bosnia and Herzegovina ang Qatar, sa final score nga 3-1, agud tapuson ang ila nga third-round World Cup qualifier.
Gin-umpisahan ni Kerim Alajbegovic ang opensa sang Bosnia sa isa ka mabaskog nga tira halin sa gwa sang penalty area.
Nadugangan naman ang ila advantage matapos ang own goal ni Sultan Albrake sang Qatar.
Apisar naka-score si Hassan Alhaydos para sa Qatar, ginselyuhan ni Ermin Mahmic ang kadalag-an sang Bosnia sa ika-80 minutos para sa pinal nga score nga 3-1.
Bangod sini, nakuha sang Switzerland ang 1st spot sa grupo paagi sa duha ka kadalag-an kag isa ka draw ukon 7 points.
Apisar nga nalutos sang Switzerland ang Canada, ini gihapon ang nakakuha sang 2nd spot paagi sa 1 win, 1 draw, kag 1 loss record ukon 4 points.
Ang duha ka team ang automatic na nga makasulod sa Round of 32, samtang nataktak na ang Qatar matapos makakuha sang duha ka kapierdihan.
Ang Bosnia ang maqualify naman sa walo nga pilian nga best of 3 placers nga makasulod sa round of 32.
