Ginkanselar man ang klase sa University of Saint La Salle – Bacolod kasunod sang nabatun nga pagpamahog.
Ini matapos ginpadala sang isa ka iloy ang nabatun nga mensahe sang iya bata nga estudyante sa buluthuan.
Ang mensahe ang ginpadala alas-2:00 sang kaagahon nga nagapaandam nga halungan ang duha ka estudyante bangod ini ang mahimo nga iya tiruhon bwas.
Wala na ginbuyagyag ang identity sang mga estudyante nga subject sa threat.
Sa ginpagwa nga USLS Advisory, nagpasalig ang buluthuan nga sila ang nagakoordinar sa security office kag law enforcement authorities angot sa security threat.
Panindugan nila nga ang USLS ang wala nagatolerar sang ano man nga sahi sang pagpamahog, kag ini ang ila nga ginaseryoso.
Panawagan lamang nila sa mga ginikanan kag estudyante nga magpabilin nga kalmado.
Ala-1:14 sini nga hapon, nagpadala man sang mensahe ang faculty sang USLS nga sugaton ang mga kabataan bangod suspendido ang klase, kag pasalig sang eskwelahan n ga nagapanguna nila nga prayoridad ang safety sang mga kabataan.
