Panugyan sang Vallacar Transit Incorporated sa mga magabyahe nga sa Ceres terminal na lamang magsakay sangsa maghulat sa kilid sang dalan.
Ini sa pihak sang ginalauman nga pagdagsa sang mga pasahero subong nga Semana Santa.
Sa interview sang Bombo Radyo Bacolod kay Jade Marquez, media relations officer sang Vallacar Transir Incorporated, mas maayo nga magrekta sa terminal sa pagsakay agud makaplastar sang maayo.
Paathag sini nga ginalikawan sang mga ini ang standing, gani sa tion nga mapuno na ang Ceres bus, ini ang nagalarga gilayon.
Pahayag ni Marquez nga indi mahibaluan kun san-o may magapanaog, gani indi maayo nga choice ang magbantay sa dalan sang Ceres bus.
Panugyan man sini sa mga byahero nga likawan ang magdala sang madamo kag mabug-at nga bagahe.
Sila ang magahatag man sang 10 percent discount para sa tanan nga pasahero, bilang sabat sa panawagan ni President Ferdinand “Bongbong” Marcos Jr nga magbayanihan.
