Ginkumpirmar ni Sagay City Administrator City Atty. Ryan Bonghanoy nga wala sang unod ang vault sang City Treasurers Office kun diin ginbutang ang P7.3 million nga Health Emergency Allowance (HEA) nga wala narelease.
Madumduman nga gin-imbestigaran ang namissing nga P7.3 million nga nabilin sa P22 million nga Health Emergency Allowance para sa mga health workers sang Sagay City nga nagserbe sang COVID-19 pandemic.
Ang allowance ang wala marelease ni City Treasurer Jovy Pinongan kag amo nga ginpangitaan na lamang ni Mayor Narciso Javelosa, Jr. sang pamaagi nga mahatagan ang mga health workers sang allowance.
Nagrason si Pinongan nga nalipatan sini ang password sa vault amo nga wala nabuksan ang vault.
Suno kay Bonghanoy, antes pa man ginbuksan ang vault nagpadala na sang demand letter ang Commission on Audit (COA) kay Pinongan nga i-liquidate sini ang budget sa sulod sang 30 ka adlaw.
Suno diri, posible nga may paga-atubangon nga administrative case si Pinongan kag kun indi sini maliquidateang budget siya ang may salabton man sa COA.
Samtang, sa karun nagapadayon sa pagtrabaho si Pinongan sa City Treasurers Office
