Vice Governor Jeffrey Ferrer, nagpasalig nga indi magpadalagan sa pagka-gobernador sa 2022

Ginpasalig ni Negros Occidental Vice Governor Jeffer Ferrer nga magapabilin ini bilang bise gobernador sang probinsya kag indi magkontra kay Governor Eugenio Jose “Bong” Lacson sa 2022 elections.

Suno kay Ferrer, magasuporta ang United Negros Alliance (Unega), nga iya ginapamunuan, sa liwat nga pagpadalagan ni Lacson.

Ginpasiguro sini nga kun may yara gid man sang magapadalagan batok kay Lacson, indi ini magahalin sa Unega.

Ang nangin deklarasyon sang bise gobernador ang kasunod sang mga nagalapta nga balita nga may yara sang pulitko nagikan sa ciudad sang Bacolod nga nagalibot sa probinsya agud magkonsulta sa mga local leaders sa iya katuyuan nga magpadalagan bilang gobernador sang probinsya sa masunod nga eleksyon.