Sa tion sang emerhensya, gusto mo bala nga may ‘knight in shining armor’ nga magsalbar sa imo? Isa ka Malaysian nga lalaki ang may unique nga trabaho kun sa diin ginaparentahan sini ang iya kaugalingon bilang isa ka ‘villain’ para mangharass sa mga partners sang iya kliyente kag mahatagan sang kahigayunan ang iya kliyente nga mangin ‘hero’.
Ang 28 anyos nga si Shazali Sulaiman nagtukod sang “villain for hire” service para mabuligan ang iya kliyente magpakitang gilas sa ila mga partners.
Gingamit ni Sulaiman ang opprtunidad nga malaba ang iya buhok kag ang pameste sini nga kaangay nga gang member kun siya tulokon.
Ang kliyente sini ang nagahatag sang oras kag lugar kun diin himuon ang plano nga pagpangharass sa ila partner kag amo na nga maabot si Sulaiman bilang malain nga tawo samtang ang kliyente niya naman ang mangin ‘Hero’ sa sitwasyon.
Iban sa mga tawo komporme sa ideya ni Sulaiman apang ang iban naman nagpamatok sa pagpangharass sang babayi.
Depensa naman sini nga himo-himo lamang ang sitwasyon kag wala sang may nahalitan.
