Ginkumpirmar sang mga otoridad ang presensya sang volcanic haze ukon volcanic particles nagikan sa phreatic eruption sang Mt. Kanlaon, nga naghalo sa atmosphere kag gindala sang southwesterly wind sa Bicol Region.
Ginkumpirmar sang Philippine Atmospheric, Geophysical, and Astronomical Services Administration (PAGASA) kag Philippine Institute of Volcanology and Seismology (PHIVOLCS) nga nakalab-ot ang volcanic haze sa Bicol Region bangud sa nagaprevail nga southwest wind.
Ang dark haze, nga kaangay sa nagaka-obserbahan sa Naga City, Camarines Sur, ang nalocate sa isa ka distansya nga 1,000 tubtob 1,500 meters below sea level.
Ang mga areas nga apektado ang ginalakipan sang mga probinsya sang Albay, Camarines Sur, Camarines Norte, Masbate kag Sorsogon.
Suno sa weather specialist, nagapataas ini tubtob sa napulo ka kilometros kag nagapadulong sa southeast, east kag east-northeast gani may posibilidad nga gindala sang hangin ang iban nga haze.
Suno sa PHIVOLCS, ang haze ang sarang nga makatuga sang dangers ilabi na sa mga indibidwal nga may problema sa respiratory gani nag-abiso ini sa mga residente nga magsuksok sang face masks kag magpabilin nga alerto sa tanan nga tion.
