Natalana nga bungkalon ang mga volcanic materials nga gin-anod kag gintunaan sang liwat nga pagtapan sang Ibid Creek sa Barangay Biaknabato, La Castellana, Negros Occidental.
Sa interview sang Bombo Radyo Bacolod kay La Castellana Vice Mayor Rhummyla Nicor-Mangilimutan, bangud mapahulam ang Negros Occidental Provincial Government sang equipment kalkalon nila ang nagsupot nga volcanic materials kag dal on sa naidalom nga bahin sang Barangay Biak-na-bato kun sa diin may nakita sila nga bakante nga lote.
Ang volcanic debris ang gikan pa sa nagliligad nga pagbuga sang abo sang Bulkan Kanlaon kag gin-anod sang tubig sang maglabay ang Bagyo Inday.
Suno kay Mangilimutan, ginpahanugutan na sang DENR ang pag-scrape sang balas apang indi ini mahimo ipagwa sa Mount Kanlaon Natural Park (MKNP).
