Ginpahayag ni Vice President Sara Duterte nga sang nakaligad nga tuig pa niya na-recruit ang iya mangin running mate para sa 2028 presidential elections.
Apang wala pa niya ginbuyagyag ang mga pangalan sini agud “maprotektahan” ang ila identity.
Madumduman nga sang Miyerkules, Pebrero 18, ginkumpirmar ni VP Sara nga magapapili siya bilang presidente sa 2028.
Ginpaathag man niya ang papel sang iya mangin bise presidente kun siya ang magadaog, nga mangin responsable sa pagpanabat sang mga nagahimo sang sala samtang siya ang magatutok sa iya katungdanan bilang presidente.
Dugang pa nga wala niya ini gilayon ginpahibalo sa iya may nga si anay Presidente Rodrigo Duterte ang temprano sini nga deklarasyon.
Ang nakahibalo lamang amo ang iya bana nga si Atty. Manases Carpio, ang ila mga kabataan, kag pila ka mga staff nga nagbulig sa pagsulat sang iya Tagalog speech.
Suno sa Bise Presidente, nagdesisyon siya nga mag-anunsyo na sang mas temprano bangud sa hingyo sang iya mga tagasuporta.
