Padayon pa nga gina-estoryahan ang bahin sang wala pa nabayaran nga Health Emergency Allowance (HEA) sang mga healthcare workers sang mga district hospital sa Negros Occidental sang tion sang COVID pandemic.
Suno kay DOH Undersecretary Mary Ann Maestral, ginapungkuan na sang mga otoridad sang Department of Health sa central office agud nga mapanaugan sang budget ang mga wala pa nakumpleto nga mabayaran nga HEA.
Suno kay Maestral, ang mga dokyumento sang mga healthcare workers nga makuha sang HEA ang napasa na sa Department of Health kag dapat ang mga ini nga mabayaran.
Una na nga ginpahayag sini nga may Maestral nga may P202.8 million nga balayran ang DOH sa HEA sang mga healthcare workers sang siyam kag mga district hospitals kag pipila ka katapo sang Provincial Health Office.
Sang tinalikdan nagpahayag ang Department of Budget and Management nga narelease na sini ang tanan nga budget para sa HEA.
Nagpasalig si Maestral nga ginatalakay na sang mga otoridad ang pagdihon sang budget agud nga makumpleto na ang pagbayad sa HEA.
