BACOLOD CITY — Ginrelieve na sa pwesto ang jail warden sang Special Intensive Care Area (SICA) sang Metro Bacolod District Jail (MBDJ) kasunod sang insidente kun sa diin nakapalagyo ang tatlo ka mga inmates sini tinalikdan nga adlaw sang Domingo.
Ini ang ginkumpirmar sang bag-o nga director sang Bureau of Jail Management and Penology (BJMP) Negros Island Region Jail Senior Supt. Alberto Balauag.
Sa karun ginbuslan na ni Jail Supt. Larry Fuentes ang anay warden sang MBDJ-SICA nga si Jail Chief Inspector Jonairy Sitchon nga gin-assign sa karun sa regional office.
Suno kay Balauag, standard operating procedure (SOP) na ang pag-relieve sa pwesto sa warden kun may yara sang jail incident.
Madumduman nga nakapalagyo tinalikdan nga Domingo ang mga priso nga sanday Marlon Molina, 38-anyos, Ebson Jaen, 36-anyos , kag Noli Dega, 39-anyos.
Si Molina ang naga pangatubang sang kaso nga robbery kag carnapping samtang si Jaen kag Dega ang may kaso may kaangtanan sa iligal nga druga.
Apang si Jaen ang gilayon man nadakpan sa guwa sang jail facility samtang sanday Molina kag Dega ang naga-pabilin nga atlarge.