BACOLOD CITY — Padayon sa karon ang hiring sang Bureau of Jail Management and Penology sang bag-o nga mga miyembro.
Sa Good Morning Philippines, ginpahayag ni BJMP Region 6 director Jail Senior Superintendent Joel Superficial nga isa ka libo ang quota para sa bilog nga pungsod subong nga tuig.
90 tubtub 100 sa mga ini ang igadeploy sa nagkalain-lain nga detention facility sa Western Visayas.
Sa mga interesado suno sa regional director, sarang gid nga makabisita sa malapit nga BJMP detention facility agud nga maka-inquire.
Suno kay Superficial, madamo pa ang kulang nga mga jailguards sa Region 6.
Ang ideal nga ratio suno sa iya amo ang isa ka jailer sa isa ka inmate sa tion sang custodial escort apang sa karon, 50 ka inmates ang ginabantayan sang isa ka jailer.
Nagalaom naman si Superficial nga madamo ang maga-apply bangud nagsaka na sa karon ang sweldo sang uniformed personnel sang gobyerno kaangay nila.
