WATCH: Pagbaisay nanday Cayetano kag Binay sa Senate hearing

Nagbaisay sanday Senator Alan Peter Cayetano kag Senator Nancy Binay sa hearing sang Senate Committee on Accounts kahapon, July 3, may kaangtanan sa gasto sa ginapatindog nga bag-o nga building sang Senado sa Taguig City.

Nangin mainit ang pagbaisay sang duha ka senador nga nagdangat sa pagwalkout ni Senator Binay sa hearing.

Ginapanindugan ni Binay nga indi P23 billion ang kinahanglan nga pondo para sa New Senate Building (NSB) kundi P21.73 billion.

Una diri, ginmandu ni Senate President Francis Escudero nga i-review ang proyekto matapos nagsaka sa P23 billion ang kinahanglan nga gastuhon para sa NSB nagikan sa orihinal nga P8.9 billion.