May ginpagwa nga advisory ang Philippine Coast Guard nga temporaryo nga nagadumili sa ano man nga water activities sa mga kadagatan.
Sa interview sang Bombo Radyo Bacolod kay Coast Guard Station Southern Negros Occidental Commander Lt Junior Grade James Carbajosa, ang advisory ang ginpagwa kahapon alas-5:00 sang aga, kag ini ang wala pa mabatak apisar nga naghuyang sa Typhoon category ang Bagyo INDAY.
Lakip sa mga ginadumilian ang pagpanagat, kasubong man ang island hopping.
Ginapakamaayo ni Carbajosa nga sila ang wala pa sang nabatun nga report sang mga pagbayolar ilabi na nga madamo sang lalagawan nga dagat sa Southern Negros Occidental partikular na sa Sipalay City.
Suno kay Carbajosa, may naeksperyensyahan nga pabugso-bugso nga ulan kahapon sa ila area of responsibility, apang indi tuman ka kusog sang ulan.
Sa pihak sini, mabaskog ang mga pagbalod sa kadagatan.
Panugyan niya sa mga pumuluyo nga magsunod sa mga pagsulundan sang kada local government unit, kag mangin updated sa mga weather advisories.
