Ginpahayag sang Bureau of Immigration nga nagapadayon ang ginapatigayon ang manhunt operations para sa utod ni dismissed Bamban Mayor Alice Guo nga si Wesley Guo.
Suno kay BI Fugitive Search Unit chief Rendel Ryan Sy, ginatinguhaan pa nila nga pangitaon ang ginapanaguan ni Guo.
Santo sa ila impormasyon, nakahalin na sa Batam, Indonesia si Guo kag ginapahayag yara sa special administrative region sang China nga Hong Kong.
Madumduman nga una na nga ginmado sang Senado ang pag-aresto kay Guo bangud sa wala pagtambong sa mga pagsinapol nga may kaangtanan sa illegal nga aktibidad sang ginraid nga Philippine Offshore Gaming Operators (POGOs) sa pihak sang mga gin-isyu nga notice.
Samtang, ginpadangat naman sang abogado ni Wesley nga si Atty. Stephen David nga luyag man suno diri nga magsungka sang iya kliyente sang makaestorya niya ini sa cellpone sadtong Miyerkules, Setyembre 5 adlaw kung sa diin natigayon nga madakpan ang utod sini nga si Alice Guo sa Indonesia.
