Ginpahayag sang Vice President and Chief Operating Officer sang Negros Power and Electric Corporation (NEPC) nga ang direkta nga epekto ang pagdeklarar ni President Ferdinand Marcos Jr sang National Energy Emergency sa distribution utility amo ang sourcing sang kuryente sa Whole Electricity Spot Market ukon WESM ang nagpatuman sang administered pricing.
Sa interview sang Bombo Radyo Bacolod kay Engineer Joe-Mel Zaporteza, sang ginpirmahan sang presidente ang Executive Order 110 sang Marso 24 may yara na sang suspension sa market.
Ini ang nagakahulugan nga magapadayon ang trading sang kuryente apang ang presyo nga basehan ang mga ginpatuman sang nakaligad.
Bangud sini ang ginalauman nga indi tuman kataas ang generational costs nga ibayaran sang mga konsumidor.
Ginpahayag man sini nga wala man sang nagbag-o sa distribution charges bangud wala ang mga ini ginapahanugutan sang regular nga basta basta lamang nga magbag-o sang presyo.
Samtang, ginpahayag man sini nga madamo sang energy sources ang Negros Power kag ini ang ginalakipan sang 30 percent ginakuha sa geothermal, kapin 32 percent ang gikan sa coal kag less 5 percent sa diesel kag ang nabilin ginakuha sa WESM.
Ginalantaw nga indi man magsobra sa piso kun may yara sang ipatuman sa pagsaka sa kuryente.
Sa pihak nga bahin, wala man sang kamatuoran ang ginapahayag nga madulaan sang kuryente kun wala sang diesel bangud ang energy source sang NEPC ang indi dependent sa diesel.
