Gin-athag sang World Boxing Council ang title shot ni Manny Pacquiao batok kay Mario Barrios.
Madumduman nga madamo sang opinyon nga nag-ibwal kasunod sa anunsyar ni Pacquiao nga liwat nga magbalik sa ring para sa world championship.
May yara sang nagapamangkot kun paano nahatagan gilayon sang go signal ang Filipino Boxing champ para sa title shot.
Iban nagahambal nga indi deserve ni Pacquiao nga i-challenge si World Boxing Council (WBC) welterweight champion Mario Barrios sa MGM Grand Garden Arena subong nga adlaw bangod sa inactivity sini.
Apang, nagdis-agree naman diri si WBC president Mauricio Sulaiman.
Suno kay Sulaiman, dako ini nga historic fight bangod matapos ang apat ka tuig nga pagpahuway ni Pacquiao, ginakilala sa gihapon sang WBC ang legendary status sini.
Suno pa diri, wala sang rason nga i-sanction ang match ni Pacquiao kag ni Barrios bangod nahatagan sang green light ang Filipino icon halin sa Nevada State Athletic Commission.
Mahibaluan una nga nadaogan ni Pacquiao ang belt sang 1998 sang napierde sini si Chatchai Sasakul kag nangin WBC flyweight champion nga amo ang iya first title.