Napatay na sa edad nga 71-anyos ang wrestling legend nga si Hulk Hogan.
Sa inisyal nga impormasyon, ginbawian ini sang kabuhi sa iya balay sa Florida, USA bangud sa cardiac arrest, kag wala sang nakita nga foul play ukon suspicious activity.
Si Hogan nga Terry Bollea sa matuod nga pangalan amo ang ginakilala nga biggest wrestling star of all time nga nangin bantog sang 80s kag 90s kag mas nangin kilala pa sa iya pagsulod sa acting carreer.
Nakahimo man siya sang record bilang six-time World Wrestling Entertainment (WWE) Champion kag duha ka beses nga nabutang sa WWE Hall of Fame — sang 2005 kag sang 2020 bilang kabahin na sang New World Order.
Magluwas sa iya kataason nga 6’7,” nangin marka ni Hogan ang pagsuksok sang bandana, paggisi sang iya bayo, kag ang iya blonde nga handlebar nga bigote.
Nahibaluan nga ang debut ni Hogan sa cinema screens ang natabo sang 1982 sa film nga “Rocky 3”.
Siya ang nakita sa mga pelikula nga “Without rules”, “Thunder in Paradise”, “Strongman Santa Claus”, kag sa TV series nga “Cool Walker” kag “Rescuers of Malibu”.
