100 mil ka sako sang binhi ang napain nga igapanagtag sa mga mangunguma sa Negros Occidental kada tuig paagi sa Rice Enhancement Competitiveness Fund sa idalom sang Rice Tariffication Law.
Sa interview sang Bombo Radyo kay Negros Occidental Provincial Agriculturist Atty. Japhet Masculino, 50 mil ka sako sang binhi ang napain kada cropping season sa probinsya ukon 100 mil ka sako sa bilog nga tuig.
Ini ang igadistribute sa masunod nga lima ka tuig kag ini ang libre ukon wala sang bayaran ang mangunguma.
Magapakig-angot naman ang OPA sa mga city kag municipal agriculture’s office agud madeterminar ang mga recipients sang binhi.
Sa pagpadulong ni Agriculture Secretary William Dar sa ciudad sang Iloilo tinalikdan nga adlaw, ginpangunahan sini ang pagturn-over sang pila ka mga machinery sa mga kaprobinsyahanan kag asosasyon.
Ang Negros Occidental suno kay Masculino ang nagbaton sang duha ka mobile dryer samtang ang isa ka farmers association ang nagbaton man sang isa ka harvester.
Ang mga machinery suno kay Masculino ang libre nga ginhatag bangud kabahin ini sang RCEF sa idalom sang Rice Tariffication Law.
