Nagakahangawa ang Population and Development Division sang probinsya bangud sa madamo nga numero sang mga iloy nga naga-edad 10 tubtob 14.
Sa exclusive interview sang Bombo Radyo Bacolod kay Population and Development Division head Dr. Edmund Calaor, apisar nga nagapakita sa ila nga data nga nagnubo ang numero sang teenage pregnancy sa Negros Occidental, madamo naman sang mga teenage moms nga naga-edad 14 panubo.
Suno diri, may yara karon sang 102 kabilog nga mga 10-14 years old nga mga kabataan nga nagbun-ag sang tuig 2018.
Sa ila nga data, 14 porsyento na sang kabug-usan nga mga iloy nga nagbata ang mga teenager.
May yara man sang mga teenager nga iloy nga naga-eksperyensya sang repeat pregnancies ukon makapila ka beses magbusong sa iya teenage years.
Suno kay Calaor, sexual abuse ukon rape within the family kag kakulang sa ihibalo ang nagapanguna nga rason kun ngaa may yara sa gihapon sang kaso sang teenage pregnancy sa probinsya.
Nagapanugyan ini sa mga ginikanan nga kuntani tudluan sang mas temprano pa ang ila mga kabataan nahanungod sa sex education.
