Dakop sa akto ang tatlo ka mga lalaki nga naga-unload sang mga boxes sang illicit cigarettes sa Park Homes 2, Brgy Washington, Escalante City, nga nagdangat sa balor nga P632,025.
Ang operasyon ang ginpatigayon kahapon alas-12:20 sang kaagahon kun sa diin naaresto sanday Alyas Mon, 27 anyos, Alyas So, 23 anyos, kag Alyas Van, 22 anyos, lunsay mga kasado kag wala sang trabaho.
Caught in the Act ang mga suspects nga nagapanaog sang mga karton nga may unod nga smuggled nga sigarilyo.
Ang mga illicit cigarettes ang ginlakipan sang 509 reams kag 78 packs sang Bosqu, 181 reams sang GTM, 153 reams sang Thunder, 81 reams sang Three Star, 167 reams sang Cannon, 102 reams sang Oris, 92 reams sang 252, 94 reams sang New Mega, apat ka reams sang Bison, kag 352 reams sang assorted illicit cigarettes.
Kumpiskado man ang ila nga gingamit nga itom nga Barako nga tricycle.
Ang mga suspetsado ang sa karun nakahunong sa Escalante City Police Station.
