Priso na ang 22 anyos nga lalaki nga ginaalegar naghimulos sa 11 anyos nga bata nga babayi sa banwa sang Hinigaran sang nakaligad nga Lunes.
Santo sa inisyal nga imbestigasyon sang Hinigaran Municipal Police Station, ang suspetsado ang ginkilala kay Jose Nadi Lobo kag ginaalegar nga madugay na nga may luyag sa biktima.
Pahayag sang guardian sang biktima nga alas-12:30 sang kaagahon sang ginsulod ni Lobo ang balay sang biktima.
Gintayaan naman sini sang kutsilyo ang liog sang bata kag ginpahog nga iya ini nga pagapatyon kun indi magpati sa iya nga ginahambal.
Dala sang kahadlok, nagsunod nalang ang biktima sa luyag sang suspetsado.
Sa karun, yara na sa kustodiya sang Hinigaran Municipal Police Station ang suspetsado nga magapangatubang sang kaso nga paglapas sa Republic Act 7610 ukon ang Child Abuse Law.
