11 ka mga tawo patay sa sunog sa Binondo, Manila

11 ang patay sa nagluntad nga sunog sa isa ka commercial-residential building sa Binondo, Manila kaina sang aga.

Ginkumpirmar sang BFP-National Capital Region nga nagdangat sa 11 ka mga tawo ang nadulaan sang kabuhi.

Suno sa BFP-NCR gindeklarar nga first alarm ang sunog sa 647 Carvajal street kapin alas- 7:28 sang aga kag gindeklarar ang second alarm kapin alas- 8:14 sang aga.

Samtang, alas- 9:31 sang aga sang nakontrolar na ang sunog kag gindeklarar nga fireout alas- 10:03 sang aga.

Suno sa security guard sang building, nag-umpisa ang sunog sa canteen nga ginapatihan bangod sa nagsungaw nga liquified petroleum gas (LPG).