111 tanan ka pamilya nga biktima sang nagluntad nga sunog sa Brgy 2 kag Brgy 16 sa ciudad sang Bacolod ang makabaton sang cash assistance.
Sa interview sang Bombo Radyo Bacolod kay Alma Gustilo, pinuno sang Department of Social Services & Development (DSSD), Hulyo 31 sang may nagluntad nga sunog sa Purok Kagaykay, Barangay 2, kag 87 tanan ka panimalay ang apektado kag pagkasunod nga adlaw may nagluntad naman nga sunog sa Purok King Fisher A, Barangay 16 kun sa diin 24 ka panimalay ang apektado.
Suno diri, posible nga dungan na lamang ang paghatag sang financial assistance sa duha ka barangay.
Temporaryo nga nagatinir sa brgy hall kag chapel ang mga biktima sang sunog sa Brgy 2 nga may 72 ka mga balay ang totally damaged, lima ang partially damaged, pito ang sharers kag tatlo ang renters.
Samtang nagatinir naman sa duha ka classroom sang Education and Training Center School (ETCS) extension ang mga biktima sang sunog sa Brgy 16 kun sa diin 24 ka balay ang totally damaged, anum ang partially damaged, duha ang sharer kag siyam ang renters.
Pahayag ni Gustilo, P15,000 ang ihatag para sa totally damaged nga balay; P10,000 para sa partially damaged; kag P5,000 para sa renters kag sharers.
