Patay ang 12 anyos nga bata nga naanod matapos nga magtabok sa old overflow sa Sitio Mangahoy-kahoy, Barangay Santol, Binalbagan, Negros Occidental sang Sabado, Hulyo 19.
Sa interview sang Bombo Radyo Bacolod kay Police Captain Joelan Vinson, Officer-in-Charge sang Binalbagan Municipal Police Station, ang biktima kaupod ang iya nga iloy ang nagtabok sa overflow kun sa diin nawigit ang bag sini.
Suno kay Vinson, ginbalikan sang bata ang nawigit nga bag apang sang pagbalik sini gin-atake siya sang balatian sini nga epilepsy nga ginhalin nga gindala ini sang current sang tubig kag nalumos.
Ang bata ang nakita man gilayon sa overflow kag gintinguhaan pa nga irevive apang nadulaan na ini sang kabuhi.
Nagpadangat man ang mga ini sang pagpakig-unong sa nalisdan nga pamilya.
Panugyan sini nga lantawon gid ang sitwasyon sang mga sapa kag overflows antes magtabok agud nga malikawan ang kaangay nga aksidente.
