13 patay, 98 pilason matapos madiskaril ang train sa Mexico

Patay ang 13 ka tawo samtang 98 naman ang nasamaran matapos madiskaril ang train sa Mexico kahapon, Disyembre 29.

Natabo ang insidente sa Asunción Ixtaltepec, Oaxaca, sa main line sang train sa tunga sang Veracruz kag Salina Cruz.

Nagbinuligay ang sobra isa ka gatos ka navy personnel kag mga rescue vehicle sa pagpatigayon sang rescue efforts.

Ang train ang may 241 ka mga pasahero kag siyam ka crew member.

Ginpahayag naman ni Mexican President Claudia Sheinbaum nga ginmando na niya ang pagpatigayon sang imbestigasyon kag ginsiguro ang bulig para sa mga pamilya sang mga biktima.

Ang nasambit nga train ang ginadumalahan sang Interoceanic Train nga naga-angot sang Pacific kag Gulf coasts sang Mexico, nga nagsugod ang serbisyo sang 2023.