Gin-aprubahan na sang Economy and Development (ED) Council ang pagpatuman sang bag-o nga three-term school calendar nga maga-umpisa sa School Year 2026-2027, apang ginbatikos ini sang Alliance of Concerned Teachers (ACT).
Ginpangunahan ni Presidente Ferdinand Marcos Jr. ang pag-apruba sang proposal sang Department of Education (DepEd) sang Marso 19.
Santo sa Department of Economy, Planning, and Development (DEPDev), ginlaragway sang konseho ang nasambit nga programa bilang kritikal nga tikang sa pagpasanyog sang education system sa pungsod.
Sa idalom sang bag-o nga kalendaryo, ilisan ang apat nga academic quarters sang tatlo ka terms.
Tinutuyo sini nga mabuhinan ang class disruption matapos narekord sang DepEd nga may yara sang 53 ka adlaw nga nadula sa School Year 2023-2024.
Samtang, ini ang ginkondenar sang ACT kag ginatawag ini nila nga “rushed” nga tikang nga wala nagasabat sang mga dalagko nga issue sa edukasyon.
Bilang depensa, gin-klaro sang DepEd nga ang polisa ang ginpaidalom sa serye sang konsultasyon humalin pa sang Enero 2026 kaupod ang mga ginikanan, manunudlo, kag mga mamalidha.
