14 ka mga barangay, 100 porsyento na nga cleared sa road clearing operations

14 sa 61 ka mga barangay sa ciudad sang Bacolod ang nag-submit sang ila report nga 100 porsyento na sila nga cleared sa illegal structures sa gina-patigayon nga road clearing operations.

Ang 14 ka mga barangay ang ginalakipan sang Barangay 8, 9, 10, 18, 22, 23, 24, 31, 37, Felisa, Montevista, Vista Alegre kag Villamonte.

Sa pahayag naman ni Executive Assistant Butch Soliguen, ang nasambit lang nga mga barangay ang nagahambal nga 100% na sila nga cleared sa iligal nga istraktura kag indi ang Department of the Interior and Local Government (DILG).

Suno kay Soliguen, hulaton na lang nila nga iga-validate sang departamento kag tsekyaron ang ila lugar kun santo ang report nga ila gin-pasa sa sitwasyon sang ila lugar.