14 ka mga persona, gindala sa Cadiz Emergency Clinic matapos magkaon sang isda nga aloy

Gindala sa Cadiz Emergency Clinic ang 14 ka mga persona matapos magkaon sang isda nga aloy.

Sa interview sang Bombo Radyo kay Cadiz City Mayor Patrick Escalante, ang nasambit nga indibidwal ang indi magpamilyahanay nga nagbakal sang isda sa Punta Cabahug Street, Barangay Zone 6 sa ciudad sang Cadiz.

Suno kay Escalante, ang mga ini ang naka-eksperyensya sang pagpalanghugot sang ginhawa, pagpalangatol kag pagpula sang mata.

Dugang pa, ang isda ang gikan sa Ilo-ilo City kag ginbaligya sa Cadiz City.

Pahayag sini nga yara naman sa estable nga kondisyon ang mga nasambit nga mga persona.

Ginabisuhan sang alkalde ang mga residente nga likawan anay ang pagkaon sang isda nga aloy.