Natapos na ang 15 ka tuig nga pagpamuno ni Bangladeshi Prime Minister Sheikh Hasina sang Lunes matapos nga nagpalagyo ini sa sinemana na nga makamamatay nga protesta rason kun ngaa nag-anunsyar ang militar nga magatukod ini sang isa ka interim government.
Humalin sang Hulyo, gintuyo ni Hasina nga mauntat ang mga nationwide protests batok sa iya nga gobyerno apang nagpalagyo ini matapos ang brutal nga mga hitabo sang Domingo kun sa diin malapit 100 ang nagkalamatay.
Suno kay Bangladesh army chief Waker-Uz-Zaman, nagresign si Hasina kag ang militar ang magatukod sang isa ka interim government.
Suno diri, nag-antos na ang ila pungsod, naigo ang ila ekonomiya kag malapit 100 ang nagkalamatay.
Nagalaom ini nga mag-imprubar ang ila sitwasyon.
Si Hasina, 76-anyos, ang nagbiya sa pungsod sakay sa isa ka helicopter.
Una ini nga nagsakay sa isa ka motorcade kag naglupad sa luwas sang pungsod apang wala naman ginspecify kun diin ang iya destinasyon.
