Patay ang 16 anyos nga estudyante nga lalaki matapos malumos sa suba sapa sa Prk Narra Tree, Brgy Tampalon, Kabankalan City alas-3:30 kahapon sang hapon.
Ang 16 anyos nga biktima ang residente sang Prk Amian Ilaya, sa nasambit man nga Barangay.
Sa inisyal nga imbestigasyon sang Kabankalan City Police Station, nagpaligo ang estuduyante upod sa mga classmates sini nga menor de edad man sa sapa matapos ginkanselar ang klase.
Samtang ini ang nagatabok sa sapa sa pagpauli na kuntani, nakit-an sang iya mga classmates nga ini ang kaangay nga nagakapakapa na sa tubig, tubtob nga dalayon na nga naglugdang.
Nagapati man ang pamilya nga wala sang foul play sa insidente.
Natigayon nga maretrieve ang lawas sang bata kag gindala sa Lorenzo D. Zayco District Hospital sa Kabankalan City, antes gindala sa purenarya.
Ang insidente sang pagkalunod ang nareport sa Kabankalan City Police Station alas-6:00 na sang gab-i.
