Naghatag sang pahanumdom ang tagpamaba sang Department of Education-Negros Island Region sa tanan nga mga estudyante kasunod sang mga nagkaladakpan nga mga pamatan-on nga imbulbado sa illegal nga buluhaton.
Sa interview sang Bombo Radyo Bacolod kay Almyr Dequiña, dapat nga mabal-an sang mga estudyante nga sila sa DepEd NIR ang pamilya kag nagapati sila nga ang mga ini ang mangin Doctor, manunudlo kag kun ano man nga profession sa palaabuton gani gina-engganyo ang mga ini nga magpili sang husto nga desisyon sa kabuhi.
Suno kay Dequinia, mas maayo gid nga makapangayo ang mga estudyante sang paggiya sa ila nga mga ginikanan kag guardians sa ila nga himuon nga mga desisyon.
Ginpahayag man sini nga dapat man pilion sang mga estudyante ang ginaupdan kag dapat siguruhon nga ini ang makahatag sa ila sang maayo nga impluwensya.
Ginpahayag man sini nga may yara sang ginahimo nga symposium ang mga otoridad sa eskwelahan agud nga magpahanumdom sa estudyante sang indi maayo nga dulot sang illegal nga druga.
