Halos tanan sa aton luyag nga magsave sang kwarta sa pagrenta sang balay, apang pila ayhan sa aton ang kasarang nga magtulog sa banyo para lang makatipid sang kwarta?
Isa ka babayi sa Hunan, China ang nagarenta sa sulod sang banyo sa furniture factory kun diin ini nagatrabaho.
Suno sa 19 anyos nga babayi naghalin ini sa pigado nga pamilya kag indi sila makasarang magbayad sang kapin P6,000 para sa balay.
Gin-ayo sini ang iya boss kun mahimo sa ila nalang opisina siya ma-istar.
Nagahatag man ini sang para sa tubig kag kuryente kada bulan apang wala naman ginakuha pa sang iya boss.
Ginpahayag man sang babayi nga nag-untat ini sa pag-eskwela sa edad nga 16 anyos para magtrabaho kag magbulig sa iya pamilya.
Sa karun kapin sa isa ka bulan na ini nga nagarenta sa banyo apang nagahimo na sang tikang ang iya boss nga mahatagan siya sang gamay nga lugar sa ila opisina.
Samtang, may yara sang nagdayaw sa determinasyon sang babayi para makatipid sang kwarta apang may yara man sang nagahambal nga importante sa gihapon ang ikaayong lawas sang sa kwarta.
