Ginpresentar na sang Philippine Army ang mga recoveries gikan sa natabo nga engkwentro sa banwa sang Toboso, Negros Occidental, kun sa diin sa inisyal may-ara sang 17 ka long firearms kag tatlo ka short firearms nga ginpakita.
Una nga may ginpatigayon nga awarding ceremony ang militar, apang ini ang close door, kag ginpatinir lamang sa holding area ang media tubtob nga sila ang ginpatawag para sa presentasyon sang recoveries.
Apang ini ang ginapahayag nga 30 porsyento pa lamang sang kabug-usan nga recoveries gikan sa mga katapo sang New People’s Army.
Kalakip sa mga armas nga nakita sa 19 man ka biktima ang mga long firearms kaangay sang AK47, M203, M16, M14, Garand rifles kag iban pa; samtang may-ara man sang tatlo ka pistola.
Lakip man sa recoveries ang duha ka flag sang NPA nga may nakasulat nga ““57th Anniver ”Mabuhay ang ika-57 nga anibersaryo sang CPP-NPA-NDF”.
Luwas diri, may mga personal nga pagkabutang man nga narecover kaangay sang handheld radio, transistor radio, itlog, condiments, botas, tsinelas kag magazines.
Wala naman ginpatpat kun kanday sin-o nakuha ang mga pagkabutang, kasubong man ang ila plastada sang marecover sa fishpond.
Apang ginapahayag nga indi ululupod sa ila lamang ka bahin sang fishpond ang mga napatay.
Sa interview sang Bombo Radyo Bacolod kay Lt Col Eric Alfonso, commander sang 79th Infantry Battalion, ginkumpirmar sini nga gikan gid sa mga napatay ang mga armas.
Ang operasyon ang makabig naman sini nga kadalag-an para sa mga negrense.
Suno kay Alfonso, humalin sang 2023 nagdangat na sa 43 ang mga pagpamatay nga ginhimo sang mga rebelde.
Madugay na nila nga ginalagas si Roger Fabillar, nga mas kilala bilang si Arnel Tapang ukon Johng, nga may patong sa ulo nga P1 million.
Gani nagapati ini nga ang madinalag-on nga operasyon ang makapahuyang gid sa pwersa sang NPA, nga magaresulta sa mas malawig nga kalinong sa lugar.
Sa 19 ka mga napatay, walo na ang naclaim sang pamilya kag may lima nga ginaproseso na.
Samtang wala paman sila sang impormasyon kun may foreign national gid man sa mga napatay, bangod wala man sang may narecover nga dokumento, kag wala paman sang pamilya nga nagclaim.
