19 ka mga illegal structures ang gindemolish sa kilid sang dalan sang North Capitol Road nga nahamtang sa propedad sang sang probinsya sa North Capitol Road, Barangay 6, Bacolod City kahapon.
Ang demolition ang ginpangunahan sang Bacolod City Legal Office Enforcement Team sa koordinasyon sang Capitol Safety and Security Division sang Negros Occidental.
Suno kay Renelo Lastierre, pinuno sang Capitol Safety and Security Division sang probinsya, sang tinalikdan nga semana pa naistoryahan nga igademolish ang mga vendors nga nahamtang sa nasambit nga propedad kag antes ini, may yara na sila sang ginpadala nga verbal notice.
Suno sa iya, ang iban nga vendors ang boluntaryo nanga nag-offer sa pagdismantle sang ila mag structures samtang ang iban ang nagapangduha-duha pa.
Nagkooperar naman ang kalabanan suno sa iya.
Suno kay Lastierre, ang mga structures ang ginakan-an sang mga empleyado sang Ayala Malls Capitol Central kag kun kaisa ginatulugan sang mga tag-iya gani ini ang nagatuga sang traffic kag nuisance.
Suno diri, ang propedad ang dapat steady sa plano ni Governor Bong Lacson kag sang provincial government kag bangud nga apisar ginapanag-iyahan ini sang probinsya, ang jurisdiction sang sidewalk ang nahamtang sa ciudad gani sila ang nagpatigayon sang joint coordination.
