-- ADVERTISEMENT --
Ginalauman nga makapauli na sa Pilipinas sa Huwebes, Nobyembre 26, ang 19 ka mga Pilipino nga tripulante matapos ma-rescue sa drone attack sa ginasakyan nila nga LPG tanker nga MT Gas Husky.
Sila ang temporaryo nga nahamtang sa isa ka hotel sa Varna, Bulgaria samtang ginahulat ang ila flight papuli.
Ginpahayag ni Labor Attache Marietta Dela Cruz, nga yara sa maayo nga kahimtangan ang mga tripulante, samtang padayon nga ginabulong ang duha ka nasamaran.
Sa bulig sang Department of Migrant Workers (DMW), Migrant Workers Office (MWO)-Budapest, Philippine Embassy sa Bucharest, shipowner kag manning agency, nadihon ang ila nga emergency travel documents kag repatriation assistance agud masiguro nga luwas sila nga makabalik sa Pilipinas.












