Capitol Paddle Park sa Negros Occidental Capitol Park and Lagoon, ginbuksan na
-- ADVERTISEMENT --

Opisyal na nga ginbuksan ang Capitol Paddle Park sa Negros Occidental Capitol Park and Lagoon, Domingo, November 22.

Ang opening ceremony ang gintambungan nanday Negros Occidental Governor Eugenio Jose “Bong” Lacson, Negros Occidental Provincial Administrator Atty. Rayfrando Diaz.

Sa memsahe ni Governor Lacson, ginpanginbulahan sini ang CAPGEM sa pagdihon sang kaangay nga panibag-o nga attraction sa Capitol Lagoon.

Panawagan sang gobernador nga mag-enjoy apang dapat sundon ang tanan nga pagsulundan para sa safety sang tanan.

Sa interview sang Bombo Radyo Bacolod kay Atty. Diaz, excited ini bangud ginbuksan na ang Capitol Paddle Park kun sa diin personal niya ini nga na-expercience kaupod si Negros Occidental Governor Eugenio Jose “Bong” Lacson.

-- ADVERTISEMENT --

Suno diri, ang kayak kag paddleboat ang mahimo mapadasigan kag mapahinayan ang dalagan apang ginasuhestyon sini nga dapat mahinay lang agud maenjoy ang manami nga dapya sang hangin kag ang atmosphere sang lagoon.

Ang nasambit nga rides ang libre halin November 22 tubtob December 13 bilang birthday treat ni Governor Lacson.

Samtang makaligad ang nasambit nga petsa ini ang may bayad na.

Ang paddleboat ang may bayad nga P300 for 30 minutes kag mahimo na makasakay diri ang apat samtang ang kayak naman ang mahimo nga sakyan sang duha ka person kag magabayad lamang sang P100 for 30 minutes man nga pagsakay.

Nagpangagda si Diaz sa tanan nga mga Negrense nga i-enjoy ang bag-o nga attraction sa Capitol Lagoon.

Ang nagdihon sang nasambit nga attraction amo ang kooperatiba sang Provincial Government gani ang matipon nga bayad sa paddleboat kag kayak rides ang bulig sa 3000 members sang Coop.

Sa karun may apat ka paddleboat kag kayak ang mahimo nga ma-enjoy sang mga Negrense.

May yara man sang gin-deploy ang probinsya nga magabantay sang seguridad sa tanan nga magasakay sa paddleboat kag kayak.