Masobra isa ka million nga mga persona ang gin-evacuate samtang duha naman ang kumpirmado nga patay bangud sa Bagyo Uwan.
Ang bagyo nga may international name nga Fung-wong, ang naglaslas sa Pilipinas pila pa lamang ka adlaw matapos ang pag-igo ni Bagyo Tino.
Kahapon, ginkumpirmar ang una nga fatality nagikan sa Catbalogan City kun sa diin suno sa iya mga himata, nagbalik ang isa ka babaye sa sulod iya puluy-an bangud may nalipatan ini tubtob nga wala na ini nila nakit-an pa liwat.
Ang ikaduha nga fatality ang nalunod naman sa isa ka flash flood sa Catanduanes Island.
Duha man ka mga persona ang ginreport nga pilason nagikan sa Catanduanes kag ang isa sa Calinong.
As of 4:00 PM kahapon, masobra 1.1 million individuals ukon 344,413 ka pamilya na ang nag-evacuate.
